الناموسة الذكية

في وسط حالة الخنقة التي تدرو حولي.. انتابت أمي فكرة أرقت ليالي نومي.. ولكني كنت السبب في هذه الفكرة.. ففي أحد الأيام.. وبما أن أمي تقضي وقتاً طويلاً بمفردها حتي عودتي من عملي..كان الصداع يزأر في رأسي..كأسد جائع.. وكم كنت أحتاج إلى النوم.. وأمي ترغب في أن تقص عليَّ أخبار ابنة خالتي وزوجها.. وأنا أتحدث من خلال النوم إليها.. وظلت أمي تتحدث.. حتى وَجَدْتُنِي سوف أكذب عليها كذبة قد تشغلها عني..فأمي تهوي البحث والقراءة..
ولا أعرف من أين طرأت لي فكرة هذه الكذبة..؟ وقلت: (تصدقي يا ماما بيقولوا إن الناموس لما بيمص دم الانسان ويقرصه.. ساعات ممكن يكتسب من صفات الإنسان ويأخذ من جيناته.. عارفة يعني إيه يا أمي يعني الناموسة ممكن تبقي ذكية)..
نظرت إليَّ أمي نظرة غريبة كأنها غير مصدقة طبعا لما أقول (إذا كنت أنا نفسي عارفة أني بكذب ومعرفش إذا كان فيه أساس من الصحة للي أنا بقوله ده ولا لا) وطلبت مني أمي النوم لأنه يبدو عليَّ الإرهاق..
ومن ساعتها وأنا أعيش في هوس قصة الناموسة الذكية.. وفي يوم آخر تجلس العائلة كلها سويًّا على العشاء (في أمان الله) فأتت حشرة غريبة لا أعرف ما هي قد تكون ناموسة وتقرص أمي في قدمها..
فتقول لي أمي: (شفتي الناموسة نزلت تحت الترابيزة تستخبي علشان تعرف تقرص من غير ماحد يحس بيها.. ولا يشوفها.. الناموس زمان كان بيقف على الحيطة ونشوفه ونموته.. بس دلوقتي بقى ذكي.. بيستخبى تحت الكراسي.. كنا بنصطاده.. دلوقتي بقى هُوَّه اللي بيصطادنا) .

مع كل تحياتي للناموس الذكي..