أبو الكبير...

عايزة اشتم ..عايزة اسبب..

كل خاين وكل كلب..

عايزة العن ابو الكبير..

من مبارك للمشير..

يا شعب أجمد دا مكانك..

هو دا التحرير..

أوعي تصدق الموامرة..

أوعي تصدق الخيانة..

أوعي تصدق حكومة الحمير..

نار ولعة في جتي..

وجته كل مصري من الباشا للغفير..

بص كدا علي الميدان ..

بص كدا من في التحرير..

هتلاقي بلدنا..

كل غني كل فقير..

عايزة اشتم ..عايزة اسبب..

كل خاين كل كلب..

عايزة العن أبو الكبير..

من مبارك للمشير..

عايزة أبكي من خقتي..

وصرخ باعلي صوتي يالهوتي..

هيسرقوا مني ثورتي..

وبعينك يااللي حاطط عنيك علي دولتي..

فيها شباب يا كلاب..

ترميكم بكل ألوان العذاب..

فيها شباب يا كلاب..

لا ينفع معاهم لا رصاص..

ولا سحل..

ولا حتي مص الدم امتصاص...

عايزة اشتم ..عايزة اسبب..

كل خاين وكل كلب..

فاتح دراعه ع الصبية ..

مستني دور عليها وهي بتنزف مرميه..

وبعينك يالي حاطط عنيك علي مصر..

وبعنيك ياللي حاطط عنيك ع التحرير..

ماهي لو كانت حكومة اسرائيل..

كنا قلنا دا كل كفر..

وانا بشتم وبسبب..

كل خاين كل كلب ..

أنا بلعن أبو الكبير..

مبارك والمشير..

دا وطنا ..دا مكانا..

وانتو مكانو برا الارض..

تحت التراب..

مكانكو تحت رجيلين الشباب..