وأنا قاعدة في البلكونة ببص على اللي رايح واللي جاي ساعة المغربية لمحت بياع البطاطا كدا وسرحت على صوته وهو عمال ينادي بعلو حسه.. معسلة أوي يا بطاطا..كله على الله يا بطاطا.. ودخلت كلمة كله على الله دي جوا قلبي...وجعتني...ياااااااااااااااااااااه..فعلا كله على الله... بس مين يفهم.. مين يحس.. مين يقدَّر.. إنه مهما عمل في الناس.. كله على الله.. محدش عارف.. الدنيا مخبياله إيه وافتكرت ساعتها حكاية البنت فريال.. بنت العلاف اللي على ناصية الحارة بتاعتنا.. البنت فريال دي بقى زي ما بيقولوا كانت فرس.. طول.. بعرض.. أي والله.. حاجة كده ولا في الاحلام.. شعرها دا فشر شعر الخيل.. صحيح ما هي فرس.. تحب تتفرج عليها وهي رايحة وهي جايه..
ياما جدعان طلبوها.. الكل طمعان في جمالها.. أصلها محليتهاش غيره.. لا بنت وزير ولا بنت سفير.. أول ما خرطها خراط البنات.. طلبها الواد رمضان ابن الحاج مصطفي الخشاب.. ناس بقى إيه معلمين.. وتجار.. والبنت هتعيش في عز وهنا.. بس البنت..أ مها رفضت علشان تكمل تعليم..
وفعلا البنت اتعلمت واتنورت.. وبقيت كده زي حالاتي... من الموظفين في الأرض.. ومرت السنين.. وفريال مع كتر خطابها متجوزتش... هي دي اللي ينطبق عليها مثل من كتر خطابها بارت.. والواد سيد بعد عشر سنين.. طلبها تاني.. والكل وافق.. وأهلها انبسطوا.. والكل كان فرحان.. وبعد شهر الواد سيد قليل الأصل ساب البنت فريال.. وقال لها.. أنت رفضتني مرة.. وأنا أديني خطبتك وسبتك..
والبنت يا حبة عيني.. قلبها انفطر.. وخست وبقيت عاملة زي عود القصب.. وبقيت حالتها تصعب على الكافر.. الواد ماشي يلسن عليها.. كسر نفسها.. كانت مناخيرها في السما.. وهي كانت نجمة برغم فقرها وقلة حيلتها.. بس نفسها كانت عزيزة أوي.. والواد رمضان اتجوز.. وخلف توءم.. ومرت السنين والبنت رغم إنها ست البنات.. وحلوة الحلوين.. برضو متجوزتش.. ومحدش عارف ليه قمر الحارة متجوزتش.. بس هنقول إيه النصيب.. المهم إن الواد رمضان بعد ما ساب البنت فريال.. وتقريبا كده جرسها في الحتة كلها.. رجع بعد 3 سنين طلبها تاني لأنه بيحبها وعرف قيمتها لما سابها.. وفرش الأرض رمل تحت رجليها..
بس قالوا إن جرحها منه كان كبير أوي.. وعشان كده رفضته.. وقالت له إنها رفضته زي ما هو رفضها وإن كرامتها اتردت ليها.. لأنه بطلبه ليها تاني أكد لكل الناس إنها بنت زي الفل وإن الكلام اللي قاله عليها كدب في كدب.. وكل الحكاية دي اتفتكرتها وأنا بسمع بتاع البطاطا.. بس الغريبة بقى هي الناس ليه بتجرح بعض..؟ وليه بيفتروا على بعض..؟ ليه محدش بيراعي ربنا في النعمة اللي في إيده.. علشان بعد ما تزول ميضربش نفسه بالجزمة إنه ضيعها من إيده.. ليه الناس متقولش الحمد لله يارب بارك.. ليه دايما اللي في إيد الغير يحلى.. ويكون أحسن من اللي في إيدينا.. لوكل واحد يسبها على الله.. أكيد هتبقى أحلى.. وكله على الله يا بطاطا..
ياما جدعان طلبوها.. الكل طمعان في جمالها.. أصلها محليتهاش غيره.. لا بنت وزير ولا بنت سفير.. أول ما خرطها خراط البنات.. طلبها الواد رمضان ابن الحاج مصطفي الخشاب.. ناس بقى إيه معلمين.. وتجار.. والبنت هتعيش في عز وهنا.. بس البنت..أ مها رفضت علشان تكمل تعليم..
وفعلا البنت اتعلمت واتنورت.. وبقيت كده زي حالاتي... من الموظفين في الأرض.. ومرت السنين.. وفريال مع كتر خطابها متجوزتش... هي دي اللي ينطبق عليها مثل من كتر خطابها بارت.. والواد سيد بعد عشر سنين.. طلبها تاني.. والكل وافق.. وأهلها انبسطوا.. والكل كان فرحان.. وبعد شهر الواد سيد قليل الأصل ساب البنت فريال.. وقال لها.. أنت رفضتني مرة.. وأنا أديني خطبتك وسبتك..
والبنت يا حبة عيني.. قلبها انفطر.. وخست وبقيت عاملة زي عود القصب.. وبقيت حالتها تصعب على الكافر.. الواد ماشي يلسن عليها.. كسر نفسها.. كانت مناخيرها في السما.. وهي كانت نجمة برغم فقرها وقلة حيلتها.. بس نفسها كانت عزيزة أوي.. والواد رمضان اتجوز.. وخلف توءم.. ومرت السنين والبنت رغم إنها ست البنات.. وحلوة الحلوين.. برضو متجوزتش.. ومحدش عارف ليه قمر الحارة متجوزتش.. بس هنقول إيه النصيب.. المهم إن الواد رمضان بعد ما ساب البنت فريال.. وتقريبا كده جرسها في الحتة كلها.. رجع بعد 3 سنين طلبها تاني لأنه بيحبها وعرف قيمتها لما سابها.. وفرش الأرض رمل تحت رجليها..
بس قالوا إن جرحها منه كان كبير أوي.. وعشان كده رفضته.. وقالت له إنها رفضته زي ما هو رفضها وإن كرامتها اتردت ليها.. لأنه بطلبه ليها تاني أكد لكل الناس إنها بنت زي الفل وإن الكلام اللي قاله عليها كدب في كدب.. وكل الحكاية دي اتفتكرتها وأنا بسمع بتاع البطاطا.. بس الغريبة بقى هي الناس ليه بتجرح بعض..؟ وليه بيفتروا على بعض..؟ ليه محدش بيراعي ربنا في النعمة اللي في إيده.. علشان بعد ما تزول ميضربش نفسه بالجزمة إنه ضيعها من إيده.. ليه الناس متقولش الحمد لله يارب بارك.. ليه دايما اللي في إيد الغير يحلى.. ويكون أحسن من اللي في إيدينا.. لوكل واحد يسبها على الله.. أكيد هتبقى أحلى.. وكله على الله يا بطاطا..
صدقتي ايتها الكاتبة الرائعه كله علي الله ومفيش حد بياخد اكتر من نصيبة
ReplyDeleteتحياتي