أزمة رجالة

يا ناس يا هووووووو ...
يا كبار يا فاهمين ...
يا ناس يا بتوع زمان يا راسين ..
تعالو شوفوا اللي بيحصل للبنات المساكين..
تعالوا يا ولاد البلد يا معلميين ...
تبقي البنت..ست الكل..ست المؤدبين ...
حجبها فوق راسها زينة ...اصلها بنت ناس مؤمنين..
ويجلعا عريس دا ابن ناس قال ايه كويسين ..
ويمكن كمان يكون داخل علي اواخر الخمسين ..
ويقعد معاها ويقولها انت هايلة بس نقصك نقطتين..
نتجوز والحياة هتبقي هاي..وجنينه ياسمين ...
عايزك تبقي زي كلاس..وشويه مودرن حبتين ..
فتبص البنت عايزة تفهم وتنفنجل عنيها الاثنين ..
يقولها العريس ابن الناس الكويسين..
انت حلوة بس لو شلتي اللي فوق راسك دا هتبقي ست الحلوين..
ونكتب الكتاب ونجيبن الماذون هنا في ساعتين ..
واخدك ويكون الهاني مون في شرم الشيخ او الغردقة او حتي راس التين ..
ونعيش الحياة ..ناكل ونشرب..وننزل البسين...
وطبعا يا روحي المايوة لزم يكون قطعتين ..
وتلبسي في السهرة فستان تكولتيه يكون بحملتين..
نسهر ونرقص للصبح ويمكن نشرب كاسين..
والبنت يا عيني قاعدة لسه مفنجله العنتين ...
لا بتصد ولا بترد خايفة تبقي بتتبطر وتبقي من المعنسين ..
وكلام امها بيدور في راسها..يا بت اقبلي انت عديتي التلاثنين...
بالذمة يناس يا كبار يا فاهمين .. يا ولاد البلد يا معلمين ...
دا يبقي كدا من الرجالة ولا احنا لمعني الرجولة مبقيناش فاهمين..