في كثر الخنقة اللي الواحد عايش فيها.. ممكن حاجات منه تضيع.. تتدمر.. من كتر الزهق.. والقرف.. والملل.. بس لو كل واحد فينا بص للحكمة من فترة الزهق اللي هو عايش فيها هيوصل لنتيجة هايلة.. بس يا تري إيه الحكمة من اللي أنا عايشه فيه.. الحكمة عندى ليها معاني كتير.. الحكمة هي حاجة بتخلينا نروح للنور الموجود في حياتنا.. النقطة البيضا.. الدايرة النظيفة اللي جوا كل إنسان.. الطهارة اللي ممكن تحصل بالصلاة.. بالوضوء.. بدخولك مكان عبادتك.. الحكمة إنك تحب الناس.. وتتمنى ليهم الخير.. إنك تزعل لزعلهم .. وتفرح لفرحهم..
الحكمة إنك لو ابن أو بنت تكون جوا عيون أهلك ضي ليهم.. شمعة في عز ليل شقاهم الأسود.. ضحكة وسط أيامهم الحزينة.. وتعاملهم بكل رقة ولين لأنه كما تدين تدان.. فالديان لا يموت.. والنهاردة عند غيرك.. بكرة تبقى عندك..
الحكمة أنك متقساش عليهم.. علشان همه بيحبوك.. وأنت نور عنيهم..
الحكمة إنك لو أب.. تكون دافي.. حنين.. صبور تستحمل وجع ليالي الشقا علشان ولادك...
الحكمة إنك لو أم.. تكون نظرة ولادك ليكي بالدنيا وما فيها.. أهم من المال.. والرجال..
الحكمة إنك لو زوجة.. يكون حبيبك هو سر وجودك.. فرحة أيامك.. غنوه شبابك.. علشان لما تكبري ويكون عندك ستين سنة.. تلاقي حد تتسندي عليه بمنتهى الحب.. بدل العكاز الخشب..
الحكمة إنك لو زوج.. تكون شمس ما ليها نهاية.. تنور.. تدفي.. تطمن.. حضن حبيبتك.. تحسسها بالأمان.. من غير حساب.. تديها أمل في بكرة.. إنه أكيد هيكون أحسن طول ما إيدك في أيدها..
الحكمة إنك لو أخت.. تبقي حمامة سلام.. يكون الحب كلامك.. والحنية أنفاسك.. وتكوني أم.. لو الأم راحت.. وتكوني بسمة على شفايف الأخوات لو البسمة راحت..
الحكمة إنك لو أخ.. تكون ظهر.. سند.. وتكون الراجل اللي الكل يقدر يتكل عليه.. من غير ما نفكر قبل ما احتاج له.. يا ترى هيسيب الدنيا ويجيلنا ولا لأ..؟ لأن اللي ملوهش خير في أهله مالوش خير في حد..
الحكمة.. إنك لو موظف.. تراعي ربنا.. علشان يبارك.. ضميرك يكون سابق جيبك.. إخلاصك سابق احتياجك.. أملك في البركة و الحلال أكبر من كل حاجة.. أكبر من ظروف الغلا اللي انت عايش فيها..
أكبر من الظروف اللي ممكن تخليك تقول: وأنا مالي.. تعبان النهاردة ما ليش مزاج أروح الشغل.. وفيها إيه أما آخد هدية.. دا حتى النبي قَبَل الهدية.. وأنت عارف إنك بتاخد رشوة مهما حاولت تِغَيَّر اسمها..
الحكمة إنك لو صاحب مكان.. بتوظف فيه ناس.. تكون حريص على وصية نبينا r (أعطِ الأجير أجره قبل أن يجف عرقه).
الحكمة..إنك لو بتحب.. وبتحب بجد.. متخنش.. متجرحش.. ولو خلاص الحب راح أو انتهى أو أتغير تقول وتواجه.. ومتعيِّش الناس في وهم الحب المستمر.. وهو أصلا راح..
الحكمة.. إنك لو دكتور.. تعالج المريض.. وبلاش تمصلح عليه كأنك جزار بتقطع في العيان رايح جاي.. يبقى العيان مرمي في غرفة العمليات وأنت واقف بتتفق هتاخذ كام.. وتبقى فشر جزارين الكلاب والقطط..
الحكمة.. إنك لو ضابط.. مَتْعِشِّ الدور على الناس.. لأنك في خدمة الناس.. مش الناس اللي في خدمتك.. الشرطة في خدمة الشعب.. مش الشعب في خدمة الشرطة..
والأصح الاثنين في خدمة الوطن.. دا لو فيه وطن أصلا..
الحكمة.. إنك تحب وطنك.. بكل عيوبه.. وهمومه.. وتعيش جواه مهما كان قاسي عليك.. وتفديه بروحك.. يكون عندك انتماء.. وتعلمه لولادك.. علشان يكونوا منتمين ليك الأول علشان يعرفوا ينتموا للوطن بعد كدا..
بس الحكمة عندي ليها معني تاني خالص..لأن لكل حرف معني.. أحرفها معناها في رأيي
الألف (اشتاق اليك )
اللام( لوعة في فراقك )
الحاء ( حنين اليك يقتلني )
الكاف (كفاك ابتعاد )
الميم ( منتهي السعادة قربك)
التاء ( تائهة بدونك )
الحكمة إنك لو ابن أو بنت تكون جوا عيون أهلك ضي ليهم.. شمعة في عز ليل شقاهم الأسود.. ضحكة وسط أيامهم الحزينة.. وتعاملهم بكل رقة ولين لأنه كما تدين تدان.. فالديان لا يموت.. والنهاردة عند غيرك.. بكرة تبقى عندك..
الحكمة أنك متقساش عليهم.. علشان همه بيحبوك.. وأنت نور عنيهم..
الحكمة إنك لو أب.. تكون دافي.. حنين.. صبور تستحمل وجع ليالي الشقا علشان ولادك...
الحكمة إنك لو أم.. تكون نظرة ولادك ليكي بالدنيا وما فيها.. أهم من المال.. والرجال..
الحكمة إنك لو زوجة.. يكون حبيبك هو سر وجودك.. فرحة أيامك.. غنوه شبابك.. علشان لما تكبري ويكون عندك ستين سنة.. تلاقي حد تتسندي عليه بمنتهى الحب.. بدل العكاز الخشب..
الحكمة إنك لو زوج.. تكون شمس ما ليها نهاية.. تنور.. تدفي.. تطمن.. حضن حبيبتك.. تحسسها بالأمان.. من غير حساب.. تديها أمل في بكرة.. إنه أكيد هيكون أحسن طول ما إيدك في أيدها..
الحكمة إنك لو أخت.. تبقي حمامة سلام.. يكون الحب كلامك.. والحنية أنفاسك.. وتكوني أم.. لو الأم راحت.. وتكوني بسمة على شفايف الأخوات لو البسمة راحت..
الحكمة إنك لو أخ.. تكون ظهر.. سند.. وتكون الراجل اللي الكل يقدر يتكل عليه.. من غير ما نفكر قبل ما احتاج له.. يا ترى هيسيب الدنيا ويجيلنا ولا لأ..؟ لأن اللي ملوهش خير في أهله مالوش خير في حد..
الحكمة.. إنك لو موظف.. تراعي ربنا.. علشان يبارك.. ضميرك يكون سابق جيبك.. إخلاصك سابق احتياجك.. أملك في البركة و الحلال أكبر من كل حاجة.. أكبر من ظروف الغلا اللي انت عايش فيها..
أكبر من الظروف اللي ممكن تخليك تقول: وأنا مالي.. تعبان النهاردة ما ليش مزاج أروح الشغل.. وفيها إيه أما آخد هدية.. دا حتى النبي قَبَل الهدية.. وأنت عارف إنك بتاخد رشوة مهما حاولت تِغَيَّر اسمها..
الحكمة إنك لو صاحب مكان.. بتوظف فيه ناس.. تكون حريص على وصية نبينا r (أعطِ الأجير أجره قبل أن يجف عرقه).
الحكمة..إنك لو بتحب.. وبتحب بجد.. متخنش.. متجرحش.. ولو خلاص الحب راح أو انتهى أو أتغير تقول وتواجه.. ومتعيِّش الناس في وهم الحب المستمر.. وهو أصلا راح..
الحكمة.. إنك لو دكتور.. تعالج المريض.. وبلاش تمصلح عليه كأنك جزار بتقطع في العيان رايح جاي.. يبقى العيان مرمي في غرفة العمليات وأنت واقف بتتفق هتاخذ كام.. وتبقى فشر جزارين الكلاب والقطط..
الحكمة.. إنك لو ضابط.. مَتْعِشِّ الدور على الناس.. لأنك في خدمة الناس.. مش الناس اللي في خدمتك.. الشرطة في خدمة الشعب.. مش الشعب في خدمة الشرطة..
والأصح الاثنين في خدمة الوطن.. دا لو فيه وطن أصلا..
الحكمة.. إنك تحب وطنك.. بكل عيوبه.. وهمومه.. وتعيش جواه مهما كان قاسي عليك.. وتفديه بروحك.. يكون عندك انتماء.. وتعلمه لولادك.. علشان يكونوا منتمين ليك الأول علشان يعرفوا ينتموا للوطن بعد كدا..
بس الحكمة عندي ليها معني تاني خالص..لأن لكل حرف معني.. أحرفها معناها في رأيي
الألف (اشتاق اليك )
اللام( لوعة في فراقك )
الحاء ( حنين اليك يقتلني )
الكاف (كفاك ابتعاد )
الميم ( منتهي السعادة قربك)
التاء ( تائهة بدونك )
No comments:
Post a Comment