اه.. يا بلد

وانا ماشيه لا بيه ولا عاليه وفحالي..
قالوا يا بت ما دريتي في علاوة والعيشة مستواها هيببقي عالي ..
قلت فكك من الكلام دا..حتي البنزين بقي غالي...
..ماهو من دقنه وافتلو..والكل يقول وانا مالي ...
الحق حته من لحم الدبيحة لحم بلدي والعيشة تحلالي ...
ماهي بلد ماشية علي حل شعرها وماليها حاكم..
فضحت اهلها خصخصت حلمها وبرتوح للي يدفع اكتر
في اسود الليالي..
ويا عيني يا بلدي من سواد لياليكي وضنا ايامي..
مواصلات تغلي ..والعيش يغلي...
والهم طايلنا..ولسه ياما هنأسي...
ومن ارضك يا بلدي طالع دود يأكل في جتتنا علي حياة عينا ..
واه من كتر الامي..
لا قادرة اصرخ..ولا قادرة ابكي.. والغلا جرح غاير جوا حلمي ...
يسرق كل أمالي ..
والكل سارح في ملكوته يكلم نفسه.. هيتجنن.. ماشي بيعاني ..
دموعه نازلة من عيونه.. تكوي جفونه وتخليه يكفر بكل المعاني..
وليه يا بلدي تاكلي لحمي تمصي دمي..دا انت كل اهلي..
كل ناسي..
يا بلدي تطبطي عليا بكل حنيه بدل ما تسيبيني لكلاب السكك..
للقوادين والكراسي ..
يتاجروا بعرضي ييبيعوا شرفي ..
ويارتني جايبه ثمن كلمة تحيا بلادي ..