فانوس

يلا بقي فين الفانوس..
يا بابا..
يا ماما
يا طنطت ..
يا اونكل..
انتو يا خونا ...
مش معقول عايلة طويلة عريضة ..
مفهاش حد يجيب فانوس..
وبعدين بصوا بقي..
انا مش عايزة فانوس عادي كدا...
من بتوع الصين دول...

اللي بيغني...وينور..
انا عايزة فانوس معدن ..
من بتوع زمان...
اللي بنحط فيه شمعة...
ونقول وحوي يا وحوي..
بس انا مش عايزة اي حد يجبلي الفانوس..
السنة دي..عايزة حد واحد بس..
بس مين اللي هيجيب الفانوس..
لا ..بقي ..
انا عايزة فانوس..
فين الفانوس بتاعي...
مش معقول...انا مش لافيه حد يجبلي فانوس...
بس دا بجد.. انا فعلا مش لقيه حد يجبلي فانوس ..
طب ما كل سنة ..انا بيجيلي فانوس..
بس انا مش عايزة اي حد ...
انا عايزاك انت تبجلي فانوس...
بس انت فين ...
انت مين اصلا ...
انا في الاساس معرفكش...
بس عايزاك تبجبلي فانوس...
مش عارفة ليه ..
بس اي حد في الدنيا من حقه فانوس..
بس انا كبرت علي الكلام دا ..
لا ابد...كبرت ايه وبتاع ايه ..
ايه الكلام الفاضي دا...
تعالي بلهفة بقي وهاتلي الفانوس...
يووووووووووووووووووه ..
يا بنتي ما هو مش موجودة اصلا ...
الا هو مين دا اللي مش موجود علشان يجبلي الفانوس...
حبيبي...
انا نفسي حبيبي...هو اللي بجيلي الفانوس...
ويدخل عليا كدا بيه ..وهو منور في اديه ..
والشمعة تحرق صوابعه وهو شايلة..
واجري عليه ...الحق اديه من انها تتلسع..
ويقولي كل سنة وانت طيبة يا قلبي...
وهو مش قادرة يستحمل وجع اديه ...
ياااااااااااااه ...
فين بقي الفانوس..
يا ربي...
انا بنسي...مفيش حبيب يجبلي الفانوس..
انا هجيب لنفسي الفانوس ...

وخلاص بقي بدل الهوسه اللي انا عملها دي...

ولا استني رمضان الجاي...

يمكن حبيبي يجي يجبلي فانوس..

عارف

عارف...
مش قادرة انسي...لما سمعتني أغنية بكلمة منك بتاعة شرين أول مرة ..
فاكر الجو كان تقريبا برد..
برغم أننا كنا في أول الصيف...
مش قارة أنسي..عنيك..
كانت بتهمس وتقولي أنتِ فرحة عمري..
ولا أديك كانت دفئ ازاي..
كأنك بتقولي أنا هنا علشان أخليكي مبسوطة...
عارف مش قادرة أنسي...لما قلت لي أنا بغنيلك الأغنية دي..
قلبي فضل يدق..كأنه أول مرة يدق طول حياتي...
يااااااااااااااااااااااااااااه..
لما قلت لك..كان فين هواك من بدري يا حبيبي..
أنا من قبلك عايشة مع العايشين بكلم نفسي من الوحدة بالقي سنين ..
وانت سألتني..بجد كنت مستنياني...
ايوة يا حبيبي...كنت مستنياك..بحلم بيك طول عمري ...
نبرة صوتك..هي اللي كنت بتمناها...
لما بتقولي ايوة يا حبي...
أو وحشتيني يا حبي..
عارف مش قادرة انسي...
لما قلتلك بكلمة منك ...تعيشني اللي مش عيشاه...
وحطيت ايدك في شعري...
وشعري طار من الهوا ...
كانه بيقول لكل الناس...يا عالم ..يا هوووووووووووو...
أنا بحب... وحبيبي معايا ...جنبي ...
نا بحب الواد الاسمر دا...
بحب سماره ..
عيونه السود..
شعره الطويل ..الكاريه ...
معلش عمري شعرك ما عجبني...
بس كنت بحبه علشان شعرك..
كنت بحس انه ناعم اوي..كدا ونازل علي عنيك ..
زي الواد خالد النبوي في فليم المصير...
كنت بحبه..
عارف مش قادرة انسي...
اني قلتلك لو في حد مزعلني انا مسمحاه ..ولو في جرح انا هنساه...
قلتي انا عمري ما هجرحك..
انا حبيبك ما صدقت لقيتك ...
عارف ان مش قادرة انسي...اني عرفت أبدا حياتي منين ..
معاك ..انا حياتي بدأت...
بيك ..بقي ليها طعم..يااااااااااااااااه ..
لو تعرف..انا من قبلك كنت عايشة مع العايشين...
مكنتش بعرف اشكي لمين ..
دلوقتي وانا معاك ..مش بعمل حساب غير لوجودي معاك
عارف مش قادرة انسي... مش قادرة انسي...
لما كان صوت الاغنية عاااااااااااااااالي...
وقلت لي..انا بحبك..
ونزلت في وسط الطريق وسحبتني من اديا ...
و رفعتني من علي الارض ولفيت بيا الدنيا ...
الدنيا اللي كانت قربك ليا...
عارف مش قادرة انسي...
حبي ليك ...
عارف مش قادرة انسي...اني لما بسمع الاغنيه من غيرك ..
الهوا بيبقي ريحه نسيم نفسك..

كأن نفسك حوليا ...
كأنك هنا ..مبعدتش..

عارف ساعات كتير ...بتضايق اوي..اوي...
ان كل دا كان حلم ...
نفسي اعيشه...
ويبقي حقيقة ...